1 (Ilu se temple te nama tarigira ko wur) Ani amotam duruk te loagasam, bare aninga saonga aparete tairukko?
2 Aninga saonga mu Yawe kote tairukko; nu taiti se ali kiwolaram.
3 Nu me ka bitiruk se dagulko, nika Sinar Kari mu motam me anirukko;
4 nunguningta, Israel ko Sinar Kari mu motam me kuiniso, ale me aniso.
5 Yawe nu kota ka sinar taukko; nu beta dugu te baga se ko tamarum bowa ningi ni bagerko.
6 Se woremkalal mu worem me ka kanirukko, se aking tirom mu mel memek bo me ka maguwurokko.
