33 O Yawe, nika den te lage aga kasuru se, ani tom pempem karo tui se lagarikko.
34 Aga ikia sinar awur se, ani nika karo tua ko den mu karo tuek, ale angamang motam lilim te karo tuekko.
35 Nika den te aga kiti guruguko, mu awuk, ani umu ningi amilmil arigisam.
36 Angamang motam patawur se ni la ka den karo tui se, ali imi ko nam giam abiring tuekko.
37 Ni agarkiwer se ali ewere ko mel, kumik ningo bo mena mu, amotam me gurugokko; nika den te daiga bagara ningo aisuko.
38 Ani nika ura kari se ni anapeya kariimet ni bowa ningi bagasan mu nunga balem mu ani agotala aisuko.
39 Nika den te aga sangaru se me dolirikko, mu awuk, nika den mu ningo se diram.
40 Ani nika kausa ningo wore ko kua lagasam! Se ka ningo nuam mu te marak iru aisuko.
41 O Yawe, nika kua nangara yawara mu aga kasuru ale balem butata aga sangaruko.
