115 Gimed e girdi’ ni tadenen, mu pired u palog rog. Ya bay ug fol ko tin ke tay e Got rog chiylen.
116 Mu pi’ gelngig, ni bod nim micheg, mu gu par ni gubfos; dab mu pageg nge mulan’ug ko tin ke lagan’ug ngay!
117 Mu chubiyeg ngalang, nggu par ni dabi buch ban’en rog, ma gubin ngiyal’ ni bay ug tiyan’ug ko tin kamog ni ngan rin’.
118 Ga ma fek owchem rok urngin e pi’in ndarir falwokgad ko motochiyel rom; pi sasaliyab rorad e ba m’ay fan.
119 Ga ma tay urngin e pi’in kireb ni bod e dow, aram fan nib t’uf rog e fanow rom.
120 Gu be rus ni bocham; ma ke sug nigeg e marus ni bochan e pufthin rom.
121 Kug rin’ e n’en ni bfel’ ma ba manigil; dab mu pi’eg nga pa’ e pi to’ogor rog!
122 Mmicheg ni ga ra ayweg e tapigpig rom; dab mu pag e pi tolngan’ ngar gafgow nigedgag!
