7 Bu ngurriburren yiman war, kunubewu kore kungurrird ke nakka one thousand bininj kabirridowen, mak kunubewu ten thousand bininj dja ngudda minj njale ngunbun. Ngudda wanjh kamak yihdi.
8 Wanjh yihdjaldi bu yibenhnan nawu birriwarre bininj kabirrihmankarren bu nungka God kayiddung bu kabenhbun bedberre.
9 Mah, bu ngudda ngurrikelerlobme dja ngurriyuwn kore nawu Kawohrnan Rowk wanjh ngurridi munguyh kamak rowk kore ngunnahnan. Nungka wanjh Yawey nawu Nadjalwernhkimuk duninjh, dja ngaye ngankukbalhme dja nawu ngannahnan.
10 Bu kuhni ngurrikurduyime, wanjh minj njale nawu nawarre kakurduyimerran ngudberre, mak nawu kundjak kunbang duninjh minj kamdarnhderrehme kore kured ngurrihni.
11 Nungka kabenwon kunwok kunrayek bedberre angels nuye bu ngunmulewan, ba bu ngundiwernhnahnan kore baleh yarrkka ngurrire.
12 Bedda wanjh ngundimang dja ngundiwayhke kaddum kore kubid bedberre, ba kunwardde minj ngunwohdengedong.
13 Mak ngurrbenkukmelmelme lion nawu mayh nabang duninjh, dja nayin nabang duninjh. Yidjalmelme dja yibenbun kurrenge ke.
