5 Rava ai lawana e vaivaitawanana laḡilaḡinei me rauboni damona. Taui me modu, ubaubanai e raraupairei,
6 da e rarata ma e talatalai, wate aubigai e ḡiviḡivi.
7 Nanare am meji tauai e lagulaguriai ma maranai e ḡaiḡaiawa tauai a rovorovo kaua.
8 Ai ḡoʼapoapoe anatapui au naom u lavaei, ai ḡoʼapoapoe govagovaḡana, wate anatapuna e inainanai.
9 Am meji ai lawana i vitupoi, ma ai madeḡa laḡilaḡina e kwakwa, a lavutu-tawanana.
10 Madeḡa 70 i vereta da tana mae, mepa da tana virewapana lamna 80; Wate wei lamna nuabola ava ina vereta, eḡa tana mae-pora ma tana nae.
11 Eḡa aiai am ḡaiawa malana ita vai-kauei. Mepa da am ḡaiawa ata aramana-kauei, lamna tauai ata vivirana-kauem.
12 Ma nanare, ma viararamaniai da ai lawana i tupo kaua, ma lamna aubaina awarim nuaulaula ana vaia.
13 Oo Bada! Ma nememei awariai. Ma mae-tavirem, ma vinuabolelai, tauai am taunola.
14 Ubaubanai marana patapatai am nuavaina maemaena ma verelai, da ana morelanai ana logoiai ma ai au mara anatapuna ana vinuaiai.
15 Madeḡa biaḡa u kovoḡiai, nuaiai ma verelai da madeḡana biaḡa a vinuapoapoe ina kovoḡi.
16 Tauai am taunola, am nola vivirewapanana ma viatataielai. Ma natunatuiai am boruma ma viatataiei.
