MELKAHKA KAN 77:7-19 in Pohnpeian

⁷Kalelapok, Ieowa pan kotin onion kokolata, o a jota pan kotin maki on?

⁸A kalanan rojelar melel, o a inau imwijokalar kokolata?

⁹Kot kotin malielar a mak on kit, o a karirikilar onion a kalanan? Jela.

¹⁰Ari jo, i indadar: Mepukat me mau on ia; pali maun en lim en me Lapalap pan kak dorela meakaroj.

¹¹I me i kin taman kida wiawian Ieowa; melel i kin tamanda omui manaman akan jan maj o,

¹²O madamadaua duen omui wiawia kan karoj, o kilekilan duen omui dodok.

¹³Main Kot, al omui me pun. Ia waja amen Kot manaman mia dueta Kaun o?

¹⁴Komui ta Kot me kin wia manaman akan. Komui kotin kajanjaledar omui manaman nan pun en wei kan.

¹⁵Komui kotin dore kila japwilim omui kan omui manaman, iei jeri en Iakop o Iojep akan. Jela.

¹⁶Pil akan ariri komui, Main Kot, pil akan ariri komui, rap majapwekadar, o waja lol rererdar.

¹⁷Tapok kalaimun akan kamoredier pil, tapok kan wiadar nanjapwe, o liol piripir jili.

¹⁸Nanjapwe wiauier nanlan; japwilim omui liol akan kamaraini jappa; jappa mokieda o rerer.

¹⁹Al omui mi nan madau, al omui tätik nan pil kalaimun akan, o jota me kaan aluwilu omui.

⁷Kalelapok, Ieowa pan kotin ongiong kokolata, o a sota pan kotin maki ong?

⁸A kalangan roselar melel, o a inau imwisokalar kokolata?

⁹Kot kotin malielar a mak ong kit, o a karirikilar ongiong a kalangan? Sela.

¹⁰Ari so, i indadar: Mepukat me mau ong ia; pali maun en lim en me Lapalap pan kak dorela meakaros.

¹¹I me i kin taman kida wiawian Ieowa; melel i kin tamanda omui manaman akan sang mas o,

¹²O madamadaua duen omui wiawia kan karos, o kilekilang duen omui dodok.

¹³Maing Kot, al omui me pung. Ia wasa amen Kot manaman mia dueta Kaun o?

¹⁴Komui ta Kot me kin wia manaman akan. Komui kotin kasansaledar omui manaman nan pung en wei kan.

¹⁵Komui kotin dore kila sapwilim omui kan omui manaman, iei seri en Iakop o Iosep akan. Sela.

¹⁶Pil akan ariri komui, Maing Kot, pil akan ariri komui, rap masapwekadar, o wasa lol rererdar.

¹⁷Tapok kalaimun akan kamoredier pil, tapok kan wiadar nansapwe, o liol piripir sili.

¹⁸Nansapwe wiauier nanlang; sapwilim omui liol akan kamaraini sappa; sappa mokieda o rerer.

¹⁹Al omui mi nan madau, al omui tätik nan pil kalaimun akan, o sota me kaan aluwilu omui.

⁷“Kakete Kaun-o en ketin soingkitailla kohkohlahte? Kakete en solahr pwurehng kupwurperenkin kitail?

⁸E ketin katokehdihsangkitailehr sapwellime limpoak? Sapwellime inowo solahr kehlail?

⁹Dah? Koht ketin melielahr sapwellime kalahngan? Engieng wilianlahr kalahngan en kupwure?”

¹⁰Eri, I ahpw patohwan, “Iet dahme kauweielahr— solahr sapwellimen Koht manaman.”

¹¹Maing KAUN, I pahn patohwan tamanda wiepen nin limomwi lapalap akan; I pahn tamataman soahng kapwuriamwei kan me komw wiadahr kawao.

¹²I pahn medemedewe duwen mehkoaros me komw ketin wiadahr; I pahn medemedewe duwen sapwellimomwi wiewia manaman akan.

¹³Maing Koht, mehkoaros me komw kin ketin wia me sarawi. Sohte emen Koht mie me lapalap duwehte komwi.

¹⁴Komwi Kohto me kin ketin wiahda manaman akan; komw kin ketin kasalehiong wehi kan sapwellimomwi manaman.

¹⁵Sang ni sapwellimomwi manaman lapalap komw ketin kamourala sapwellimomwi aramas akan, iei kadaudok en Seikop oh Sosep.

¹⁶Maing Koht, ni pihl akan ar patohwan komwi, re masepwehkada, oh nan kepin madau rerada.

¹⁷Depwek kan kamwerehdi keteu; nansapwe ngiringirsek sang pahnlahng, oh lioal piripir wasa koaros nan wehwe.

¹⁸Sapwellimomwi nansapwe ngiringirsek, oh sampah marainkipeseng sapwellimomwi lioal; sampah itihtikek oh rerrer.

¹⁹Komw ketiketseli pohn iloak en madau kan; oh ketin kotekote pohn madau, ahpw lipwen aluweluwomwi kan sohte sansal.