7 Dja ngudda nawu God yibenbularrbom yiman kayime kunmayorrkkimuk bu kamre koyekbeh dja kahdjerrknadjerrkname nawern kabbala nawu Tarshishbeh.
8 Ngad ngarriwobekkang kore God kurduyimeng, dja wanjh bolkkime ngarrinang kore kunred kururrkwern nuye Yawey nawu Narrulkarrekimuk Duninjh, nawu God kadberre. God wanjh kabolknahnan kumekbe munguyh munguyh ba bu kamak rowk.