3 Avena da sorodia borui ina mae-gariḡuruviu,tau eḡa ana rovo dadana.Maranai au ḡavia i vomairi,tau anina da God ana vivitumaḡanei.
4 Kaua tagogi ava aubaina a vivibaḡa.Au ḡoana ḡaeḡaena da,Bada ana au numa, boruborumana ana mae,ma ana voepaepai. Au lawana au anatapuna.
5 Nuabola au maranaina tereḡaḡariu.Ana gabu au vivivireina, ina teregovaḡiu.Ma ola au tepana ina tereuda ḡavia eḡa ina vodadaniu.
6 Ma au ḡavia i garigari kwaipipiniu, ana tuvaidoedoei.Da au tempol ana morelanau pulo ana apui Bada awarina.Ana vinuaiai ma welei ma arei ma ana voepaepai.
7 Bada ma rautaniḡaneu maranai awarim a kwatukwatu,ma raunuʼapoapoleu ma ma paribeleu.
