MELKAHKA KAN 26:1-11 in Pohnpeian

¹IEOWA kom kotin jauaja ia, pwe i kekeit wei ni melel. I kin liki Ieowa, i jota pan luetala.

²Main kom kotin kajaui ia da o kajonejon ia, o kamakelekele mudilik i kan o monion i.

³Pwe i aja duen omui kalanan, o i kin weweid ni omui melel.

⁴I jota kin mondi ren aramaj aklapalap akan, o i jota kin waroki on me morjued akan.

⁵I kin tataki pokon en mejued akan, o i jota kin mondi ren me japun kan.

⁶I omiomi ki makelekel o i kin pok on japwilim omui pei jaraui, Main, Ieowa,

⁷Waja i pan kapikapina, nil laudeta o padak duen omui manaman akan karoj.

⁸Main Ieowa, i kin pok on wajan tanpaj omui, o wajan ar linan.

⁹Kom der kotin kajapoke ia la ianaki me dipan akan, de maur i ianaki me kamela aramaj akan.

¹⁰Pwe pa arail me dir en morjued o re ki men ale kijakij.

¹¹A nai kin weweid ni makelekel. Dore ia la o kotin maki on ia!

¹IEOWA kom kotin sauasa ia, pwe i kekeit wei ni melel. I kin liki Ieowa, i sota pan luetala.

²Maing kom kotin kasaui ia da o kasongesong ia, o kamakelekele mudilik i kan o mongiong i.

³Pwe i asa duen omui kalangan, o i kin weweid ni omui melel.

⁴I sota kin mondi ren aramas aklapalap akan, o i sota kin waroki ong me morsued akan.

⁵I kin tataki pokon en mesued akan, o i sota kin mondi ren me sapung kan.

⁶I omiomi ki makelekel o i kin pok ong sapwilim omui pei saraui, Maing, Ieowa,

⁷Wasa i pan kapikapinga, ngil laudeta o padak duen omui manaman akan karos.

⁸Maing Ieowa, i kin pok ong wasan tanpas omui, o wasan ar lingan.

⁹Kom der kotin kasapoke ia la iangaki me dipan akan, de maur i iangaki me kamela aramas akan.

¹⁰Pwe pa arail me dir en morsued o re ki men ale kisakis.

¹¹A ngai kin weweid ni makelekel. Dore ia la o kotin maki ong ia!

¹Maing KAUN, komw ketin kalohkihda duwen eh sohte dipei, pwehki ei kin wia dahme pwung oh likih komwi mehlel.

²Maing KAUN, komw ketin sohng ie oh kasawih ie; komw ketin kadeikada duwen ei ineng kan oh lamalam akan.

³Sapwellimomwi limpoak poatopoat me kin wia kaweidpei; sapwellimomwi loalopwoat kin kahluwa ie ahnsou koaros.

⁴I sohte kin patehng aramas sokatepe kan; sohte ahiong me liksansalmwahu kan.

⁵I kin tatki patehng aramas suwed kan oh kin pohnsehse aramas suwed kan.

⁶Maing KAUN, I kin kamwakele pehi kat pwehn kasalehda me sohte dipei, oh kin wia ei kaudok kapil sapwellimomwi pehi sarawi.

⁷I kin koulki koulen kasapahlkalahngan oh koasoia wiepen nin limomwi kapwuriamwei kan.

⁸Maing KAUN, I patohwan poakohng wasa me komw kin ketiket ie, wasa me sapwellimomwi lingan kin ket ie.

⁹Komw dehr ketin kauweiehla duwehte me dipan akan; komw dehr ketin kalokei ie duwehte sounkam aramas akan—

¹⁰soangen aramas akan me kin wia me suwed ahnsou koaros oh kin ononop en widinge meteikan ahnsou koaros.

¹¹A duwen ngehi, I kin wia dahme pwung; komw kupwurkalahngan ong ie oh doareiehla.