MELKAHKA KAN 139:2-12 in Pohnpeian

²Kom pil kotin mani ma i momod de uda, ap kotin mani ai lamelam ni ar kotin doo jan ia.

³Ir me kotin kupura ia ni ai potopoto jili, o ni ai wonon, ap kotin mani ai tiak kan karoj.

⁴Melel Main Ieowa, jota ai poto jan ni lo i, me kom jota kotin mani.

⁵Kom kin kotin ieian ia waja karoj, o kom kin kapado lim omui po i.

⁶Mepukat meid kapuriamui on ia, meid apwal, i jota kak dedeki.

⁷Ia waja, i pan kak ko jan mon nen ar ia? O ia waja, i pan kak piti jan jilan ar ia?

⁸Ma i piridala nanlan, kom kotikot waja o, o ma i onop on wendi nan wajan mela, kom pil kotikot ia.

⁹Ma i ale pan pir en umpul en katipin, ap mimieta ni kailan madau,

¹⁰Lim ar pil pan kare ia waja o, o lim ar maun pan kolekol ia.

¹¹Ma i pan inda: Rotorot en kadupwal ia di, pon ap pil pan marainla imp ai.

¹²Pwe rotorot jo kin rotorot mo omui, o pon kin marain dueta nin ran, rotorot kin dueta marain.

²Kom pil kotin mangi ma i momod de uda, ap kotin mangi ai lamelam ni ar kotin doo sang ia.

³Ir me kotin kupura ia ni ai potopoto sili, o ni ai wonon, ap kotin mangi ai tiak kan karos.

⁴Melel Maing Ieowa, sota ai poto sang ni lo i, me kom sota kotin mangi.

⁵Kom kin kotin ieiang ia wasa karos, o kom kin kapado lim omui po i.

⁶Mepukat meid kapuriamui ong ia, meid apwal, i sota kak dedeki.

⁷Ia wasa, i pan kak ko sang mon ngen ar ia? O ia wasa, i pan kak piti sang silang ar ia?

⁸Ma i piridala nanlang, kom kotikot wasa o, o ma i onop ong wendi nan wasan mela, kom pil kotikot ia.

⁹Ma i ale pan pir en umpul en katipin, ap mimieta ni kailan madau,

¹⁰Lim ar pil pan kare ia wasa o, o lim ar maun pan kolekol ia.

¹¹Ma i pan inda: Rotorot en kadupwal ia di, pong ap pil pan marainla imp ai.

¹²Pwe rotorot so kin rotorot mo omui, o pong kin marain dueta nin ran, rotorot kin dueta marain.

²Komw ketin mwahngih mehkoaros me I kin wia; sang wasa doh, komw ketin mwahngih ei lamalam akan koaros.

³Komw kin ketin mahsanih ie, ni ei kin doadoahk de kommoal, sohte lipilipil; komw ketin mwahngih ei wiewia kan koaros.

⁴Pil mwohn ei kin patoh, komw mwahngiher dahme I pahn patohwan.

⁵Komw kin ketin kapiliepene ni pali koaros; komw kin ketin sinsilehkin ie sapwellimomwi manaman.

⁶Omwi wehwehkin ie me inenen laud mehlel; me apwal ong ie mehlel I en dehdehki.

⁷Ia wasa I kak patohla ie, pwe I en pitsang komwi? Ia wasa I kak patohwan tangala ie, pwe I en rirsang silangmwi?

⁸Ma I pahn patohdahla nanleng, komwi pahn ketiket wasao; ma I pahn patohdihla nan wasahn me melahr akan, komw pil kin ketiket wasao.

⁹Ma I pahn pihrlahng palilahn palimesenleng de kousoanla wasa keieu doh palikapi,

¹⁰komw pil kin ketiket wasa ko pwe komwi en kin ketin kahluwa ie, komw pil kin ketiket wasao ko pwe komwi en kin ketin sewese ie.

¹¹I kakete patohwanohng rotorot en koaduhpwaliehdi de marain en rotala,

¹²ahpw mwohn silangmwi rotorot sohte kin rotorot, oh nipwong kin marain duwehte nin rahn. Rotorot oh marain kin duwepenehte rehmwi.