2 Woybukkih nungka kanbidyikarrmeng bu bininj birriwarre wanjh kandinjirrhmiwong kadberre, dja birridjareni kandibuyi.
3 Bedda kandiwernhduy, dja birridjareni kandibularrbuyi, yiman mayh kandidarrkidmayi dja kandikuknguyi.
4 Ngad yiman karrikebngakmeninj kore kundjurrh kankayi, dja karriyibmeninj kandji kore kukku.
5 Karridjalyakmeninj kore kundjurrh kunkimuk kankukburriweyi. Dja bonj, nawu Yawey kanbidyikarrmeng dja kanbidyikarrmeng kadberre.
6 Mah, wanjh karridjalmanjbun nawu Yawey! Nungka kanbebkeng kore bedda kandikanjdjalkmayi kunyidme bedberre.
