16 Munan 6 agi 7 imi se saki saki karogo, imitang Yawe me ko kueso nunguningkiri:
17 nanimi patawura ko munan, den kawel bala ko munan, kari mora se kuera ko munan,
18 ikia memek iki gurugu lagara ko munan, guyak la memek betera ko nagu namara ko munan,
19 den kawel te bo atumu saonga ko munan, launuria bagara suanta nunga kula se nunumi nongomang maguwura ko munan; munan imitang se saki saki karogo imitang Yawe me ko kueso nunguningkiri.
20 Aga namar, ni ka niet ko den ilukuawur ale niam ko kausa den agotala karo tuiko.
21 Nononga den umu gemang motam ningi bitar ale bala yawara iwita degetak tugum se pempem anirukko.
