3 Ni imet nungumik te nimi me saparko, imet uwuta mu king suen biya nunga maguwuman.
4 “O Lemuel, ikiko! Yu aora nana mu king alo nunga munan mena; yu aora nana ko kaera mu supuling alo nunga munan mena.
5 Mu awuk, nuna yu aora namon ale munan kaloman wore nungamili saparuk se kariimet kituwura alo nunga bita maguwumon bore ko.
6 Yu aora mu, kariimet kuemonko negawasan agi, kariimet ikup bibiya nunga iramuram se anisan wore nunga mel.
7 Namon ale nunga yaman se nunga ikup ko nungamili saparukko.
8 “Arikaya kituwura se nongota nunumi sangarmonko me terong mu nunga sangaruko.
9 Kituwura alo nunga bitua ko munan diram la ko, sokel karogo balu ale nunga sangaruko.”
10 Imet ningo nunguningkiri ninguru ariga ale ta mu mel yawara nunguningkiri; imet uwuta mu diamond kiaram.
11 Se ko kuari ningo diram la ko iki lagoso, ale mel ningo bo ko me tukunangaso.
12 Nu pempem kuari kote ningo la bita lagoso, ale memek bo kumik te me beteso.
