23 Den nunguning mu mel yawara, se ninguru sail tagi laga to ale ilukuawurko; uwutatala ikia sinar, kiti guruga ningo, se ikia ningo mu koma suanta tala.
24 Kari ningo diram mu ko nuet mu amilmil te lagoso.
25 Buta se ni ka niamniet nongomang amilmil nungaruko; ka niam mu amilmil biya tuiko.
26 Aga namar, aga den ninguru iki ale amolak la karoko,
27 mu awuk, lage luan imet mu mutim bo du biya wore toroman, se imet ko kari ilak diram me bagara mu yu ko mutim bo kirikirik se du biya wore iwita.
28 Nuna tere kari lage luan te yumuram baga se, imet ilak me diram bagara ko munan te kari suen biya nunga maguwuwoso se kapawasan.
29 Awiri ikup ago? Awiri noman bataga ago? Awiri den tagi gurungumu lagoso? Awiri ininga munaka lagoso? Awiri lot gawir ago lagoso? Awiri motam kuagi guar kiriyam lagoso?
