20 Ikia Sinar aiwoso; nu lage tuang suen la te se, kariimet ningi sor suen la te aiwoso;
21 nu diara guruga kuwim te se, bolala awura kuwim te aiso ale balso:
22 “Nina kariimet ikia aora biya, nina amaru ikia ngualara sowore bita talko? Ale amaru den alel bita lagasan sumu bita talko? Ale amaru ikia ningo me karo tusan mu karo tualko?
23 Nina aninga den sokel karogo ningarukasam mu iki karo tuman le mu, aninga ikia ningo se aninga den ningo mu ninga kausem le.
24 Ani agate tairalko ninga manarukasam, bare nina nibiring aisukasan ale agiring me karo tuikasan.
