10 Se aga namar, kari memek alo gemang kulukurmon mu me arungu kapeterko.
11 Nuna balmon, “Nangarak tair se ana namanak yumuwa kari yam bo am monak se kueruk se
12 am ngual kasik nunga maguwunak silatanak se kua namamon ale nungumik guang lilim ago mutim ningi kapa nagumonko;
13 se nunga mel ningo ningo ginak ago tai nanga kawam tugunakko;
14 buta se nangarak tair se mel ginak mu pagaru nanimi tunakko,” mamon.
15 Bare aga namar, kari uwuta mu arungak me sorerko, nika bagara ago kelemak bagerko;
16 mu awuk, nuna kilek memek betemonko me nguangasan, am betesan; ale kari momon se kuerukko mu am guyak la betesan.
17 Ikiko! Inangnang bo karkiwuruk se ni nu te ilupko dagarok bitar, mu te ilup i? Mena!
