11 Kari diram ko kawam mu am sanamiwurukko; bare kari memek ko kawam mu dagulok ale parasarukko.
12 Kariimet sang ikisan nuna munan lage karo tusan mu diram la ma balsan. Bare mena. Nuna karosan nama eng memek arigisan ale kua namasan.
13 Gusira amilmil ko munan am betenakko, bare naneman bataga ko munan mu tom sang am aniso; se amilmil gusira niara mu menaruk, bare mu nangamang bataga mu aking am nangate anirukko.
14 Kariimet memek mu nunga betera kaora memek mu ko nunguning la tamonko; se kariimet ningo mu betelatala, nunga betera kaora ningo mu la ko nunguning tamonko.
15 Kariimet nunga ikia ninguru me sinarara alo mu, anapeya balu mu am iki karo tumonko; bare kariimet ikia ago, mu nuna nunga bagara aolak ko ninguru sinar tasan.
