2 Paycunaga wañuchicuyllapämi yarparcaycan. Mana allicunata rurayllapämi parlanpis.
3 Alli yachajpämi wasi ruraypis. Alli tantiyajpämi wasipa simintun pergaypis.
4 Yachaj cayninwanmi imatapis wasiman shuntan alli cajllata, mas chanin cuestaj cuyayllapaj cajcunallata.
5 Yachaj runaga masmi bälin callpasapa runapitaga. Yarpaysapa runapis sumaj munayniyojmi.
6 Guërra gallaycuptenga sumaj yarpachacuycurmi pillyayta gallaycun. Achcaj tantiyachejnincuna captinrämi guërrachöga binsin.
7 Mana tantiyacoj upaga yachayta manami tarinchu. Chaymi autoridäpa ñaupancho ima rimaytapis mana camäpacunchu.
8 Pitapis mana alli rurayllata yarpajcunataga pï-maypis rejsin «fiyu runa» nirmi.
9 Mana tantiyacoj upaga jucha rurayllatami yarpan. Shimisapatapis llapanmi chiquipan.
