1 Juc mandaj wasincho micunayquipaj gayachishuptiqui tantiyacuriy pipa ñaupancho jamaraycashayquitapis.
2 May-jina micuyta munaparpis ama jucllaga aptarcunquichu.
3 Alli mishquej micuynincunata ama munapaychu. Musyapäshunallayquipäpis gayashunquimanchari.
4 Rïcuyayllataga ama ashiychu. Rïcu canayquipäga ama alläpa yarpachacuychu.
5 ¿Imayllaga riquësata ricashcanquichu? Riquësacunaga illajpita pärir anca aywacojnöllami, lümancuna juntarcuptin äbi aywacoj-yupayllami.
6 Micha yargaj runacunapa wasinman ama yaycunquichu. Mishqui micuynincunatapis ama munapaychu.
7 Chay runaga micuy aycalla cuestashantapis cuentata jorguycanmi. Janan shongullami «micushun, upushun» nishunqui.
8 Nircorga micushayquitapis gumitanquipämi. Cuyachicur alli shimillayquipa parlashayquipis yangami canga.
9 Mana tantiyacojcunataga ama willapaychu. Yachaj cayniquiwan allita willapaptiquipis asipäshunquipämi.