15 Wamra-mösucunaga wichaypa uraypami yarpan. Chaypis astiptenga wiyacur tantiyacunmi.
16 Rïcuyänan casha pobrita ñacachëga, ima-aycantapis rïcucunata goycöga pasaypami pobriyanga.
17 Yachaj musyajcuna willapäshushayquitaga sumaj wiyacuy. Willapar yachachishäcunataga llapanta yarparay.
18 Chaycunataga allipämi umayquiman churacunqui. Chay yachacushayquicunataga mana gongaypami yarparaycanquipaj.
19 Llapan yarpayniquiwan Tayta Diosllaman yäracunayquipämi canan willapar yachaycächë.
20 Nogaga quimsa chunca (30) yachachicuytami yachachishcä. Chaynöga willapashcä yachaj canayquipaj, tantiyaj canayquipämi.
21 Chay yachachishäcunami tantiyachishunquipaj rasun cajllata ruranayquipaj. Pipis tapucushuptiquega allitami willanquipaj.