19 Dulemar-dogdar-maniginbi-binsamalad, deyob gunonidamalad. Dulemar-dogdar-maniginbi-binsamalad, dule-baidse burgwenonidamogad.
20 Binsaed-Nikaguedi, binnasuli galimbaba goled, dulemar-bukidar-ambikued-abargi isseed sunmaked.
21 Binsaed-Nikaguedi, dulemar-igar-itoged-abargi sunmaked, neggweburse-doged-yawagakgi sunmaked. Weyob soged:
22 “Sapingan, bemar-amba-nue-ibmar-wissurmalad, ¿ar sanagwadse, ibmar-wissuli be gudii gumaloe? ¿Ar sanagwadse, be dulemargi-dododiid, bar dulemargi dodosuli gumaloe? Dule-binsaed-satemalad, bemar, ¿sanagwadse ibmar-wisigued-isdar-daked sae be dakmalode?
