1 Filius sapiens doctrina patris; qui autem illusor est non audit cum arguitur.
2 De fructu oris sui homo satiabitur bonis: anima autem prævaricatorum iniqua.
3 Qui custodit os suum custodit animam suam; qui autem inconsideratus est ad loquendum, sentiet mala.
4 Vult et non vult piger; anima autem operantium impinguabitur.
5 Verbum mendax justus detestabitur; impius autem confundit, et confundetur.
6 Justitia custodit innocentis viam, impietas autem peccatorem supplantat.
