10 Novit justus jumentorum suorum animas; viscera autem impiorum crudelia.
11 Qui operatur terram suam satiabitur panibus; qui autem sectatur otium stultissimus est. Qui suavis est in vini demorationibus, in suis munitionibus relinquit contumeliam.
12 Desiderium impii munimentum est pessimorum; radix autem justorum proficiet.
13 Propter peccata labiorum ruina proximat malo; effugiet autem justus de angustia.
14 De fructu oris sui unusquisque replebitur bonis, et juxta opera manuum suarum retribuetur ei.
15 Via stulti recta in oculis ejus; qui autem sapiens est audit consilia.
