Poropepe 23:19-25

¹⁹Nambana ikinyingi, sepe. Emba mee langa kara napala apa pyuo palyuo karo pirusi lao suu pyakondali pyuo karape.

²⁰Dopa pyuo karapala wambu nenge malu suu lanyi pyano nengepe ipwa waene malu nengepe dupwa pipya role pyao kara napipi.

²¹Nakama pendewa ingyarami ingilyamo dokona waso karape. Emba mende pilyu lao dokopa luuko palu nengeko pyasumako nao karare ramo doko oo repeta komau rokwasi iki wapuri ingilyamo.

²²Dokona rakane kara nayali doko emba andengena dopale piso karo pii napiliŋi. Rakanena pii minyuo endakinyi emaramo dokopa yaso nao mandeyaŋa dokona lao suu pyao karape.

²³Dokona kinyinya rengepe mona palenge singinya rengepe mana nyinginya rengepe dee keyange ingyuo soo gisingipi dusipa ama keyange. Dupwa kana malu mee ropo pyao nyepengele ingyapyamopape embena bange kulisa ingilyamo dokona rungi rungi pyao karene.

²⁴Wane akalipi rolae pingi dokopa rakange doko renge keyange dokona lao rae mairi. Dee embena ikinyi doko mona angi palenge dokona lao emba kapa lakanda minya minya pyuo ketae pyambware.

²⁵Dokona ingyuo wane embame rakane embena endakinyipi rae maiyuo karena lao yulu rolae pyuo karape. Endakinyi mandeyamo doko dopa pyuo rae maiyuo pyambwape.