3 Kooe go di waahale damana a God, hagalongo gi nia mee humalia a God ala e helekai i di goe,
4 “Dogu madagoaa ma gaa hihi gi lala nia ingoo o nia henua ala e hagalongo mai gi di Au, gei Au gaa dau Egypt mo Babylonia madalia. Au gaa dau labelaa digau Philistia, mo Tyre mo Ethiopia gi baahi digau Jerusalem.”
5 Nia daangada huogodoo ga helekai i di gili o Zion, bolo nia henua huogodoo la ne daamada mai i golo, gei Tangada Aamua Muginua gaa hai a mee gi maaloo.
