3 Digaula gu haga hali nia dodo o au daangada gadoo be nia wai. Nia dodo guu mmidi gadoo be nia wai laa lodo Jerusalem hagatau, tangada ne dubu i golo bolo e danu digau ala ne mmade ai.
4 Nia guongo ala i madau baahi e haga balumee gimaadou. Digaula e gadagada mai gi gimaadou mo di haganneennee gimaadou.
5 Meenei Dimaadua, Goe deelaa hua ga hagawelewele mai gi gimaadou gaa hana hua beelaa? Do hagawelewele la ga wele hua beelaa be di ahi?
6 Huluhia do hagawelewele la gi nia henua ala hagalee daumaha adu gi di Goe, mo ang gi nia daangada ala hagalee dalodalo adu gi di Goe.
7 Idimaa digaula la ne daaligi au daangada. Digaula guu hai hagahuaidu do henua.
