18 Digaula nogo hagamada a God gi nadau hiihai e madamadau nadau meegai ala e hiihai ginai.
19 Digaula e helekai hai baahi gi God boloo, “God e mee di gaamai gi gidaadou nia meegai i lodo di anggowaa deenei?
20 Ma e donu bolo Mee gu hagamaawa dana hadugalaa, gei nia wai gu malingi mai i di hadugalaa. Malaa, Mee e mee di gaamai hogi gi gidaadou nia palaawaa mo di wanga gi ana daangada nia goneiga?”
21 Malaa, Dimaadua gu hagawelewele ne hagalongo gi nia helekai digaula, gei Mee gu daaligi ana daangada gi di ahi, gei di hagawelewele o Maa gi digaula la gi nonua mai,
22 idimaa digaula hagalee hagadagadagagee gi Mee, ge hagalee hagadonu bolo ma go Mee dela e haga dagaloaha digaula.
