Pisalem 78:13-16 in Kapingamarangi

¹³ Mee ne wwae di tai gaa lahi digaula laa lodo di maa. Mee ne hai nia wai gii tuu gi nua gadoo be nia abaaba.

¹⁴ I di aa, gei Mee e lahi digaula i lala di gololangi, i di boo, gei Mee e lahi digaula i lala di maahina o di ahi.

¹⁵ Mee ne haahi di hadugalaa i lodo di anggowaa, gaa wanga nia wai gi digaula mai i lodo di maa.

¹⁶ Mee ne hai nia wai gi malingi mai gi daha mo di hadugalaa, gaa hai nia wai gii mmidi be di monowai damana.