8 Haga dagaloaha ina au gi daha mo ogu huaidu huogodoo. Hudee heia digau dadaulia gi haganneennee ina au.
9 Au gaa noho deemuu, hagalee hai dagu helekai, idimaa, ma Kooe dela ne hai au gi duadua beenei.
10 Hudee daaligidia au labelaa! Au gu hoohoo bolo gaa made, ne hagamaawa Kooe.
11 Goe e daaligi madau huaidu gi doo wou. E hai gadoo be di hingodo, Goe e oho nia mee ala e aloho ai gimaadou. Ma e donu hua bolo gimaadou le e hai be di oloolo madangi!
12 “Hagalongo mai gi dagu dalodalo, meenei Dimaadua, hagalongo gi dagu gahigahi. Hagamaamaa ina au i dogu madagoaa ma ga dangidangi. Idimaa, au la tangada hua mai i daha gadoo be ogu maadua mmaadua ala i mua, e noho hua hagabodobodo i mua o hadumada.
