5 Au e heehee i hongo oo ala i nia madagoaa huogodoo, ge hagalee hana laa daha.
6 Meenei God, au e dalodalo adu gi di Goe, idimaa Goe dela gu helekai mai. Malaa, huli mai gi di au mo di hagalongo mai gi agu helekai.
7 Hagamodongoohia ina mai do aloho hagagoboina mo di haga dagaloaha ina au. Au gu benebene hagahumalia gi daha mo ogu hagadaumee i lala di malu o doo lima.
8 Abaaba ina au gadoo be Goe ma ga abaaba o golomada. Hagammuni ina au gi lala di malu o bakau
9 gi daha mo nia hai o digau huaidu. Nia hagadaumee daaligi dangada gii made e haganiga mai i dogu gili.
10 Deai tumaalia i baahi digaula ai, gei digaula e helehelekai hagamuamua.
