127 Au e haga dahidamee au haganoho laa hongo nia goolo, nia goolo ala e kaedahi e humalia.
128 Deelaa dagu mee e daudali au aago huogodoo, gei e hagadugina eau nia ala huogodoo ala e hala.
129 Au agoago le e humalia huoloo. Au e haga kila aga nia maa mai i lodo dogu manawa hagatau.
130 Di haga modongoohia o au agoago le e hidi mai ai di maalama, ge e hai digau ala de kabemee gi kabemee.
131 Au e hanga dogu ngudu gi daha mo di dogidogi hagapodo i dogu hiihai huoloo gi au helekai.
132 Huli mai gi di au mo di manawa dumaalia mai gi di au, be dau hai dela e hai Kooe gi digau huogodoo ala e aaloho i di Goe.
133 Goe gumidia au gi dee doo, gii hai be dau hagababa dela ne hai. Hudee heia au gii kumi go di huaidu.
134 Haga dagaloaha ina au gi daha mo digau ala e hagahuaidu au, gii mee au di hagagila aga au haganoho.
135 O hadumada la gi haga maalama ina au, go dau dangada hai hegau, aago ina au gi au haganoho.
136 Au e dangi huoloo ogu lodo, idimaa nia daangada la hagalee hagalongo gi au haganoho.
137 Meenei Dimaadua, Goe e donu, gei au haganoho le e donu.
