ፒሊጲሲዮሴ 4:10-14 in Gamo

¹⁰ ዳሮ ዎዴፔ ጉዬ ኦራꬃ ቆፋራ ኢንቴ ታ ጊሽ ቆፎ ኦይኪዴታ። ሄሲካ ጎዳ ባጋራ ታና ኬሂ ኡፋይሴስ። ቱሙካ ኢንቴ ታስ ቆፎ ኣጊቤይኬታሺን ኢንቴ ቆፒዳ ማላ ኦꬃናስ ኢንቴስ ሃኖ ኢፂዴስ።

¹¹ ታኒ ሄሳ ጊዛይ ታና ሜቲዳ ጊሽ ጊዴና። ጋሶይካ ታ ኣይ ሃኒኮካ “ዲዛይሲ ታስ ጊዳና” ጉስ ታማራዲስ።

¹² ፓጬካ ታ ኤራይስ፤ ዴማዳካ ኤራይስ፤ ታ ጋፋዳካ፥ ካላዳካ ኤራይስ፤ ዲንካ ꬋዪንካ ኤራይስ፤ ኣይ ጊዲኮካ ታስ ዲዛይ ታስ ጊዳና ጉሳ ፁራ ታ ሎዔꬃ ኤራይስ።

¹³ ታስ ዎልቃ ኢሚዛ ኪርስቶሳን ታኒ ኡባ ሚሼ ኦꬃናስ ዳንዳያይስ።

¹⁴ ጊዲኮካ ኢንቴ ታና ታ ዋዬን ማዲዳ ጊሽ ሎዖ ኦꬂዴታ።

¹⁰ Daro wodeppe guye ooratha qofara inte ta gish qofo oykkideta. Hessika Goda baggara tana keehi ufaysses. Tumukka inte taas qofo aggibeyketashin inte qoppida mala ooththanas intes hano ixxides.

¹¹ Tani hessa gizay tana metida gish gidenna. Gaasoyka ta ay hanikkokka “Dizayssi taas gidana” guus tamaradis.

¹² Pacekka ta erays; demmadakka erays; ta gafadakka, kalladaka erays; diinka dhayinka erays; ay gidikkokka taas dizay taas gidana guussa xuura ta lo7etha erays.

¹³ Taas wolqa immiza Kirstoosan tani ubba miishe ooththanas dandayays.

¹⁴ Gidikkokka inte tana ta waayen maaddida gish lo7o ooththideta.