10 A gas doko una Labino, uni uniri, mot sa nuk melet iau. I sa suano i ra ka mot warut iau, ikut, a lingmulus, ka mot dumano iau, ikut katu kisapi sur mot in warut iau.
11 Ka watungi lenri, uni a sibo, awu. Uni a sa ulason pas iau, sur an gas una kum sau ra an etoromi.
12 A sa tasman a kinkinis na sibo, ma a sa tasmani utkai a kinkinis nama susut na utna. A sa lason sur an gasgas una a kum ngas na kinkinis ra an etoromi: ra an masur, o an murak, ra a utna in susut tang, o an sibo.
13 A pet lar pas a kum utna rop kibino un o Karisito ra i udekdek iau.
14 Ikut i wakak ra mot tur tomo nam iau una kum mamaut ra a taramo i.
