7 Êsêac tonaŋ têtôp e mateŋanô kololoc gêja ma sêsêwa biŋ meloc, taŋ taêŋ gêjam gêc nêŋ ŋalêlôm naŋ, kêsa awê.
8 Êsêac sêsu biŋ susu tonêŋ ŋalêlôm ŋamalic. Êsêac tetoc tauŋ sa ma sêpô biŋ kêpi laugeŋ.
9 Aweŋsuŋ kêsôm biŋ geseŋ undambê ma imbeleŋ kêsôm biŋ gêjac laoc nomgeŋ.
10 Amboac tonaŋ tec lau dêdêŋ êsêac ma sêlib êsêacnêŋ biŋ kêtôm sêlib bu.
11 Êsêac sêsôm gebe “Anôtô oc êjala biŋ amboac ondoc ma Lôlôc Ŋatau oc êŋô biŋ ŋam amboac ondocgeŋ.”
12 Alic acgom, lau alôb-alôb nêŋ biŋ amboac tonaŋ sêmoa ŋajam gedeŋ tôŋgeŋ sêjac nêŋ awa sa-sa.
