2 O Apômtau, taêm labu aê gebe aoc kêtu dambê. O Apômtau, ômoasiŋ aê gebe katakê e katuc uŋ tageŋ.
3 Aê katuc ŋatutuc ŋasec. O Apômtau, aôm gobe ônac jaê aê e êndêŋ ondocgeŋ.
4 O Apômtau, ôkac taôm ôkwi ômu ômôêŋ ma ônam aê sa. Ônam aê sa êtu nêm moasiŋŋa,
5 gebe lau, taŋ sêmac êndu su sêja naŋ, taêŋ gêjam aôm atom. Asa oc êŋgôm waem êsa aŋga lamboam.
6 Aê kasê aoc jamêc-jamêc e tekoc gêbac, ma gaêc bêc gajac matocsulu sasa gêdêŋ gêbêc baliŋ gebe matocsulu kêsuŋ laplap laŋgwageŋ.
7 Aê kataŋ ŋanô e matocdêbu kêtiŋ ma galic gamêŋ sapu kêtu ŋoc ŋacjo sêlêsu aêŋa.
