3 Asôm êndêŋ Anôtô gebe “Aômnêm gôliŋ e ŋajamanô kaiŋ teŋ. Aômnêm ŋacjo tetoc aôm sa kêtu nêm ŋaclai gêjam sêgaŋa.
4 Lau gamêŋ samobŋa sewec êndêŋ aôm ma aweŋ êôc aôm. Samob tetoc nêm ŋaê sa.”
5 Amêŋ ma alic gêŋ, taŋ Apômtau gêgôm naŋ. Eŋ gêjam gôliŋ ŋamalacnêŋ latuŋi e têtac kêsa laŋgwageŋ.
6 Eŋ gêjam gwêc ôkwi kêtu gamêŋ ŋakeleŋ, tec eŋkaiŋ sêsa ŋasamac ŋamala sêja. Ma aêac têntac ŋajam kêtu eŋŋa.
7 Eŋ ŋagôliŋ, nê gôliŋ oc ênêc teŋgeŋ. Mata kêsap tenteŋlatugeŋ, tec gêmoa. Lau-sêli-tauŋ-sawaga oc tetoc tauŋ sa êndêŋ eŋ atom.
