9 Ŋoc ŋaclai aôm, gabe matoc êsap aômgeŋ gebe aôm Anôtô, kôtu ŋoc tuŋtêna.
10 Ŋoc Anôtô oc êpuc aê tôŋtôŋ êmêŋ tonê têtac gêwiŋ aêŋa. Eŋ oc êkêŋ aê jalic eŋ êku ŋoc ŋacjo tulu.
11 Ônac êsêac êndu atom ec ŋoc lau mateŋanô êpi êsêac ma sêliŋ biŋ siŋ atom. Aôm ŋaclai, onsoc êsêac gebe seo êliŋ-êliŋ sêmoa. O Apômtau, aêacma lamu aôm, nêm ŋaclai êtiŋ êsêac piŋpaŋ nasênêc.
12 Êsêac aweŋsuŋ sec, ma biŋ, taŋ kêsa gêdôŋôlic naŋ, amboac tonaŋ. Ôkêŋ êsêac sêwê nêŋ tetoc tauŋ sa êtu uc ma sêwê nêŋ biŋ alôb-alôb to biŋdansaŋ, taŋ sêsôm naŋ, amboac tonaŋ.
13 Têmtac ŋandaŋ ma onseŋ êsêac su. Ônseŋ êsêac su e maleŋmê samucgeŋ. Ôkêŋ êsêac sêjala gebe Anôtô ŋacgôliŋ tau tec gêjam gôliŋ aŋga Jakob e gêdêŋ nom ŋamadiŋ.
14 Aêŋoc ŋacjo amboac kêamgeŋ sêmu e mêŋseola malac auc kêtôm kêtulageŋ.
