1 O ŋoc Anôtô, ôjaŋgo aê su aŋga ŋoc ŋacjonêŋ. Ôtu aêŋoc lamu êndêŋ ŋoc soŋo-soŋo.
2 Ôjaŋgo aê su aŋga secwaga nêŋ. Ma ônam aê sa aŋga lau, taŋ sêkêc dec siŋ naŋ nêŋ.
3 Gôlicgac me, êsêac têtu kêka-kêka sebe senseŋ katuc su. Ma ŋactêkwa sêkac sa sebe senseŋ aê. O Apômtau, aê gagôm gêŋ geo teŋ atom.
4 Aêŋoc biŋ masi, mago êsêac sêlêtigeŋ mêŋtêdênaŋ tauŋ sêkô sebe sênac aê. Ôndi mêŋônam aê sa ma ônac êsêac.
5 O Apômtau, lau siŋ undambêŋa nêŋ Anôtô ma Israelnêŋ Anôtô aômgoc, ôndi, ôkêŋ ŋagêjô êndêŋ lau samuc samob. Taêm labu êsêac, taŋ sêgôm aômnêm biŋ paliŋ ŋa biŋ alôb-alôb naŋ, nêŋ teŋ atom.
6 Êsêac amboac kêamgeŋ sêmu e mêŋseola malac auc kêtôm kêtulageŋ.
7 Ôlic êsêac aweŋ ôpic kêsa. Imbeleŋ kêtôm siŋ gebe êsêac taêŋ gêjam gebe “Asa oc êŋô aêac.”
8 O Apômtau, aôm kôômac êsêac. Aôm kôsu lau samuc susu.
