21 Ŋac sec nê gêŋ masi, tec oc ênac launêŋ tôp êtôm atom. Ma ŋac gêdêŋ oc êkêŋ gêŋ totêtac wapômgeŋ.
22 Lau taŋ Apômtau gêjam mec êsêac naŋ, oc sêwê kaiŋ gamêŋ êtu nêŋ gêŋ. Ma lau, taŋ eŋ kêpuc boa êsêac naŋ, oc sênaŋa.
23 Apômtau gêjam gôliŋ launêŋ lêŋ ma kêpuc ŋac, taŋ nê lêŋ gêjac eŋ mataanô ŋajam naŋ tôŋ.
24 Eŋ embe embeŋ, oc gacgeŋ êsêp naênêc atom gebe Apômtau kêkam eŋ gêdêŋ lêma.
25 Aê ŋapalêgeŋ e katu ŋac laŋgwa, mago galic Apômtau gêwi ŋac gêdêŋ teŋ siŋ atomanô. Ma galic nê gôlôac têtaŋ gêŋ teŋ atomanô.
26 Eŋ ŋac têtac wapôm ma êkêŋ gêŋ êndêŋ lau, taŋ teteŋ eŋ naŋ. Ma nê gôlôac oc têtu moasiŋ laugeŋ.
