8 Lékin ular yazda yilning éhtiyaji üchün ash topliwalidu, Hosul peslide ozuq teyyarliwalidu.
9 I hurun, qachan'ghiche uxlap yatisen? Qachan ornungdin turisen?
10 Sen: — Birdem köz yumuwalay, birdem uxliwalay, Birdem qolumni qoshturup yétiwalay, — deysen.
11 Lékin uxlap yatqanda, miskinlik qaraqchidek kélip séni basidu, Yoqsulluq xuddi qoralliq bulangchidek hujumgha ötidu.
12 Erzimes, peyli buzuq adem hemmila yerde yalghan éytip, peslikni sözleydu.
13 U köz qisip, Putliri bilen ishare qilip, Barmaqliri bilen körsitidu;
14 Könglide aldamchiliqla yatidu, U daim rezillikning koyida bolidu, Hemmila yerde jédel-majira tériydu.
15 Shunga uninggha békitilgen balayiqaza uni tuyuqsiz basidu, U biraqla dawalighusiz yanjilidu.