ኦሮሜ 6:5-15 in Gamo

⁵ ኑኒ ሄሳ ማላ ሃይቆን ኢዛራ ኢሲኖ ጊዲኮ ቃሴ ዴንꬃንካ ኢዛራ ኢሲኖ ጊዶስ።

⁶ ሃይሳፌ ጉዬ ኑ ናጋራስ ኣይሌ ጊዶንታ ማላ ናጋራ ኣሳቴꬃይ ኪቻና ማላ ካሴ ኑ ጬጋ ኣሳቴꬃይ ኢዛራ ኢሲፌ ካቄቲዳይሳ ኑ ኤሮስ።

⁷ ጋሶይካ ሃይቂዳ ኣሲ ናጋራፔ ሼምፒዴስ።

⁸ ኑኒ ኪርስቶሳራ ሃይቂዳይታ ጊዲኮ ኑ ኢዛራ ኢሲፌ ዳናይሳ ኣማኖስ።

⁹ ኪርስቶሲ ሃይቆፔ ዴንዲዳ ጊሽ ናምዓንꬆ ኢዚ ሃይቆንታይሳኔ ኢዛ ቦላ ሃይቆስ ዎልቃይ ባይንዳይሳ ኑ ኤሮስ።

¹⁰ ኢዚ ሃይቂዳ ዎዴ ኢሲቶ ዉርሲ ናጋራ ጊሽ ሃይቂዴስ። ጊዶ ኣቲን ፆሳስ ፓፃ ዱስ ዴስ።

¹¹ ሄሳꬆካ ኢንቴ ናጋራስ ሃይቂዲ ፆሳስ ዬሱስ ኪርስቶሳ ባጋራ ፓፃ ዲዛይሳ ኤሪቴ።

¹² ሄሳ ጊሽ ኢታ ኦꬃና ኮዪዛ ኢታ ኣሾ ቆፋ ኮይዲ ሃይቂዳ ኢንቴ ኣሳቴꬃ ቦላ ናጋራይ ካዎታና ማላ ኦꬆፍቴ።

¹³ ኢንቴ ኣሳቴꬅ ኢታ ኦሶ ኦꬂዛ ሚሽ ኦꬂ ናጋራስ ሃሪሶፍቴ። ሄሳ ማላ ኦꬃናፔ ሃይቆፔ ጌዴ ዴዖን ፒኒዳ ኣሳታ ማላ ኢንቴና ፆሳስ ሃሪሲቴ። ኢንቴ ኣሳቴꬃ ፂሎቴꬃ ሚሻ ማላ ፆሳስ ሃሪሲቴ።

¹⁴ ኢንቴ ፆሳ ኪያቴꬃ ጋርሳን ዴታ ኣቲን ዎጋ ጋርሳን ዶንታ ጊሽ ኢንቴና ናጋራይ ሃሬና።

¹⁵ ሂስቲን ኣይ ኦꬂኖ? ዎጋ ጋርሳን ጊዶንታ ኑኒ ፆሳ ኪያቴꬃ ጋርሳን ዲዛ ጊሽ ናጋራ ኦꬂኖ? ሙሌ ኦꬃናስ ቤሴና።

⁵ Nuni hessa mala hayqon izara issino gidikko qasse denthanka izara issino gidoos.

⁶ Hayssafe guye nu nagaras aylle gidonta mala nagara asatethay kichchana mala kase nu ceega asatethay izara issife kaqettidayssa nu eroos.

⁷ Gaasoyka hayqqida asi nagarappe shempides.

⁸ Nuni Kirstoosara hayqqidayta gidikko nu izara issife daanayssa ammanos.

⁹ Kirstoosi hayqoppe dendida gish nam7antho izi hayqqontayssanne iza bolla hayqos wolqay bayndayssa nu eroos.

¹⁰ Izi hayqqida wode issito wursi nagara gish hayqqides. Gido attin Xoossas paxa duus dees.

¹¹ Hessathoka inte nagaras hayqqidi Xoossas Yesus Kirstoosa baggara paxa dizayssa erite.

¹² Hessa gish iita ooththana koyiza iita asho qofa koydi hayqqida inte asatetha bolla nagaray kawotana mala ooththofte.

¹³ Inte asateth iita ooso ooththiza miish ooththi nagaras haarisofte. Hessa mala ooththanappe hayqoppe gede de7on pinnida asata mala intena Xoossas haarisite. Inte asatetha xillotetha miisha mala Xoossas haarisite.

¹⁴ Inte Xoossa kiyatetha garsan deeta attin woga garsan doonta gish intena nagaray haarenna.

¹⁵ Histin ay ooththinoo? Woga garsan gidonta nuni Xoossa kiyatetha garsan diza gish nagara ooththinoo? Mule ooththanas bessenna.