ኦሮሜ 5:2-11 in Gamo

² ሃይሳ ሃ ኣማኖዛን ሚኒ ዲዛ ኪያቴꬃን ኑኒ ጌሊዳይ ኢዛ ባጋራ ጊዲዳ ጊሽ ኡፋይሳን ፆሳ ቦንቾ ጊሼቲ ኤኪዛይታ ጊዲዳ ጊሽ ኑ ኡፋዮስ።

³ ሃይሳን ፃላላ ጊዶንታ ኑና ጋኪዛ ዋዬንካ ኡፋዬቶስ። ጋሶይካ ዋዬይ ዳንዳያን ጋꬂዛይሳ ኑ ኤሮስ።

⁴ ዳንዳያይ ፓጬን ሚኖቴꬅ ኢሜስ፤ ፓጬን ሚኖቴꬅ ሂዶታ ኢሜስ።

⁵ ሄ ሂዶታይ ቃሴ ኑና ዬላቼና። ፆሲ ኑስ ኢሚዳ ፂሎ ኣያናን ባ ሲቆ ኑ ዎዝናን ጉሲዳ ጊሽ ሄ ሂዶታይ ኑና ዬላን ጋꬄና።

⁶ ኑ ዳቡራንቻታ ጊዲ ዲሺን ፆሳ ዎዴይ ጋኪዳ ማላ ኪርስቶሲ ኑ ናጋራ ጊሽ ሃይቂዴስ።

⁷ ፂሎ ኣሳ ጊሽ ሃይቃና ኣሲ ቤታናይሲ ዳሮ ሜቴስ። ሎዖ ኣሳ ጊሽ ሃይቃናስ ፃላና ኣሲ ኦኔ ኤሪዛይ ቤታና ዳንዳዬስ።

⁸ ጊዶ ኣቲን ኑ ቡሮ ናጋራንቻ ጊዲ ዲሺን ኪርስቶሲ ኑ ጊሽ ሃይቂዴስ። ሄሲካ ፆሲ ኑና ሲቂዛ ባ ሲቆ ሄሳን ቤሴስ።

⁹ ኑኒ ኢዛ ሱꬃን ጌዪዳይታ ጊዲኮ ሃራፔካ ኢዛ ባጋራ ፆሳ ሃንቆፌ ኣታና።

¹⁰ ኑ ፆሳስ ሞርኬታ ጊዲ ዲሺን ኢዛ ናዛ ሃይቆን ኢዛራ ጊጊዳይታ ጊዲኮ ኑ ኢዛራ ጊጊዳፔ ጉዬ ኢዛ ናዛ ዴዖ ባጋራ ኑኒ ፓፂዳይሲ ዋኒ ኬሂ ዳሬኔ!

¹¹ ሄሳ ፃላላ ጊዴና፤ ቃሴካ ኑኒ ሃዒ ኢዛራ ጊጋ ዴሚዳ ኑ ጎዳ ዬሱስ ኪርስቶሳ ባጋራ ፆሳንካ ኡፋይስ ኦꬆስ።

² Hayssa ha ammanozan minni diza kiyatethan nuni geliday iza baggara gidida gish ufayssan Xoossa boncho gishetti ekizayta gidida gish nu ufayoos.

³ Hayssan xalala gidonta nuna gakkiza waayenka ufayeettoos. Gaasoyka waayey dandayan gaththizayssa nu eroos.

⁴ Dandayay paacen minoteth imees; paacen minoteth hidota imees.

⁵ He hidotay qasse nuna yellachenna. Xoossi nuus immida Xillo Ayanan ba siiqo nu woznan gussida gish he hidotay nuna yellan gaththenna.

⁶ Nu daburanchata gidi dishin Xoossa wodey gakkida mala Kirstoosi nu nagara gish hayqqides.

⁷ Xillo asa gish hayqqana asi betanayssi daro metees. Lo7o asa gish hayqqanas xalana asi oonee erizay bettana dandayees.

⁸ Gido attin nu buro nagarancha gidi dishin Kirstoosi nu gish hayqqides. Hessika Xoossi nuna siiqiza ba siiqo hessan bessees.

⁹ Nuni iza suuthan geeyidayta gidikko harappeka iza baggara Xoossa hanqofe attana.

¹⁰ Nu Xoossas morketa gidi dishin iza naaza hayqon izara giigidayta gidikko nu izara giigidappe guye iza naaza de7o baggara nuni paxidayssi waani keehi darene!

¹¹ Hessa xalala gidenna; qasseka nuni ha7i izara giiga demmida nu Goda Yesus Kirstoosa baggara Xoossanka ufays ooththoos.