ኦሮሜ 2:12-16 in Gamo

¹² ካሴ ዎጋይ ኤቆንታ ዎዴ ናጋራ ኦꬂዳ ኣሳይ ዉሪካ ዎጋይ ባይንዳ ꬋያና፤ ዎጋይ ኤቂ ሲሚን ናጋራ ኦꬂዳይቲ ዎጋን ኦይኬቲዲ ፒርዴታና።

¹³ ኣይሲ ጊኮ ፆሳ ኣቻን ፂሎ ጌቴቲዛይቲ ኤቂዳ ዎጋስ ኣዛዜቲዛይታፔ ኣቲን ዎጋ ሲሲ ሲዪዛይታ ፃላ ጊዴቴና።

¹⁴ ዎጋይ ባይንዳ ኣይዛቤቲ ዎጋይ ዮቲዛይሳ ጮ ሜላ ሃኖቴꬃፌ ኤሪዲ ኦꬂሺን ኢስታስ ዎጋይ ባይንዳ ኣጊኮካ ኢስታስ ሜꬌቴꬃ ዎጋይ ዲዛ ጊሽ ኢስቲ ባ ኦꬃናይሳ ኤሬቴስ።

¹⁵ ኢስታ ዎዝናይ ኢስታስ ማርካቲዛ ጊሺኔ ኢስታ ቆፋይ ኢስታ ሞቲዛ ጊሽ ቃሴካ ኢስታ ማዲዛ ጊሽ ዎጋይ ዮቲዛይ ኢስታ ዎዝናን ፃፌቲዳይሳ ኤሬቴስ።

¹⁶ ሄሲካ ታ ሚሺራቾ ቃላን ታማርሲዛ ማላ ፆሲ ኣሳ ዎዝናን ቆቴቲዳይሳ ኪርስቶሳ ባጋራ ፒርዲዛ ጋላሳን ቆንጪሳና።

¹² Kase wogay eqonta wode nagara ooththida asay wurikka wogay baynda dhayana; wogay eqi simmin nagara ooththidayti wogan oyketidi pirdettana.

¹³ Ayssi giikko Xoossa achchan xillo geetettizayti eqqida wogas azazetizaytappe attin woga sisi siyizayta xalla gidetenna.

¹⁴ Wogay baynda Ayzaabeti wogay yootizayssa coo mela hanotethafe eridi ooththishin istas wogay baynda aggikkokka istas medhetetha wogay diza gish isti ba ooththanayssa ereetes.

¹⁵ Ista woznay istas markattiza gishshinne ista qofay ista mootiza gish qasseka ista maaddiza gish wogay yootizay ista woznan xaafettidayssa ereetes.

¹⁶ Hessika ta Mishiraachcho qaalan tamarsiza mala Xoossi asa woznan qotetidayssa Kirstoosa baggara pirdiza gallassan qoncisana.