ኦሮሜ 16:19-27 in Gamo

¹⁹ ኢንቴ ሚሺራቾ ቃላስ ኣዛዜቲዛይታ ጊዲዳይሳ ኣሲ ዉሪ ሲይዴስ። ሄሲካ ታና ዳሮ ኡፋይሲዴስ። ጊዲኮካ ኢንቴ ሎዖ ሃኖስ ጪንጫታ ቃሴ ኢታ ኦሶስ ኤያታ ጊዳና ማላ ታ ኮያይስ።

²⁰ ሳሮቴꬃ ጎዳይ ፃላዔ ኤሶን ኢንቴ ቶሆ ጋርስ ኣꬂ ዲንጬሬꬃና። ጎዳ ዬሱስ ኪርስቶሳ ኪያቴꬂ ኢንቴናራ ጊዶ።

²¹ ታናራ ኢሲፌ ኦꬂዛ ፂምቶሲ ቃሴካ ታ ዳቦ ሉቂዮሲ፥ ኢያሶኔይኔ ሱሲጴፂሮሲ ኢንቴና ሳሮ ሳሮ ጌቴስ።

²² ሃይሳ ኪታ ፃፊዳይ ታኒ ፄሪፂዮሲ ኢንቴና ጎዳ ሱንꬃን ሳሮ ጋይስ።

²³ ታኒኔ ሃይሳን ዲዛ ኩሜꬃ ዎሳ ኬꬃ ኣሳይ ሞኪ ኤኪዛ ጋዪዮሲካ ኢንቴና ሳሮ ጌስ፤ ካታማ ሚሻ ኦይኪዛ ኤሪስፆሲኔ ኑ ኢሻ ቆዓፂሮሲ ኢንቴና ሳሮ ጌቴስ።

²⁴ ጎዳ ዬሱስ ኪርስቶሳ ኪያቴꬅ ኢንቴናራ ኡባታራ ጊዶ። ኣሚን።

²⁵ ታኒ ዮቲዛ ሚሺራቾ ቃላይ ዬሱስ ኪርስቶሳ ጊሽ ዮቴቲዛ ኪታይኔ ቤኒ ዎዴፔ ዶሚዲ ቆታን ጋምዒዲ ሃዒ ቃሴ ቆንጪዳ ቱማ ፁራ ባጋራ ኢዚ ኢንቴና ኣማኖን ኤሳናስ ዳንዳዬስ።

²⁶ ሃዒ ቃሴ ሃይሲ ቱማይ ቆንጪዴስ። ሜርና ፆሳ ኣዛዞን ዉሪካ ኣማኒዲ ኣዛዜታና ማላ ናቤታ ማፃፋ ባጋራ ዴሬቲ ዉሪካ ኢዛ ኤራና ማላ ሃኒዴስ።

²⁷ ኢዚ ፃላላ ኤራ ጊዲዳ ጎዳስ ዬሱስ ኪርስቶሳ ባጋራ ሜርና ቦንቾይ ኢዛስ ጊዶ። ኣሚን።

¹⁹ Inte mishiraachcho qaalas azazettizayta gididayssa asi wuri siydes. Hessika tana daro ufaysides. Gidikkoka inte lo7o hanos cincata qasse iita oosos eeyata gidana mala ta koyays.

²⁰ Sarotetha Goday Xala7e eeson inte toho gars aaththi dincereththana. Goda Yesus Kirstoosa kiyatethi intenara gido.

²¹ Tanara issife ooththiza Ximtoossi qasseka ta dabbo Luqiyoossi, Iyaasooneynne Susiphexiroossi intena saro saro geetes.

²² Hayssa kiita xaafiday tani Xerixiyoossi intena Goda sunthan saro gays.

²³ Taninne hayssan diza kumeththa Woosa Keeththa asay mokki ekkiza Gayiyoossikka intena saro gees; katama miishsha oykkiza Erisxoossinne nu isha Qo7axiroossi intena saro geettes.

²⁴ Goda Yesus Kirstoosa kiyateth intenara ubbatara gido. Amiin.

²⁵ Tani yootiza Mishiraachcho qaalay Yesus Kirstoosa gish yootetiza kiitaynne beni wodeppe doommidi qotan gam7idi ha7i qasse qoncida tuma xuura baggara izi intena ammanon essanas dandayees.

²⁶ Ha7i qasse hayssi tumay qoncides. Merna Xoossa azazon wurikka ammanidi azazettana mala nabeta maxaafa baggara dereti wurikka iza erana mala hanides.

²⁷ Izi xalala era gidida Godas Yesus Kirstoosa baggara merna bonchoy izas gido. Amiin.