Ol Provep 25:25-28

²⁵Aa medame epe agaa su adaalu-para mea epalia-daare go aa nipu ipa kogare noa lo-roba kumapu-rupa tea.

²⁶Wae aa medame epe-rupa piri aa epaa yolo bebolaalia-daare nipumi ipa karerene-para wala emaagu piade-rupa mada pea.

²⁷Gore aa meda alubi apaa adaapu no mamalia-dare naepealia. Aa medame nipu adaa bi kana kone sua kalaipu kogono pualia-dare naepeta.

²⁸Aa meda nipuna ratu yawea kone naminabaliare gore aa medame nipu rabunialia. Gopiane aare adarena pape yokapa ia-rupa mada aa yade.