5 Kogono peme aanu nimumi epe kone waru sua kogono peme rabu oyaenu waru adaapu imi. Go yapare kone waru nasua pa aipapulu bebo teme aanu nimu oyae diata yalia rabu wae-rupa pitimi.
6 Aa medame yaa agaa loa nipumi mone yoloa mu-aaliare gore nipu omape pora-para go pu aaya-da. Go aa-na saliade oyaere moae aipapulu sua wala esepe tade-rupa mada yalia.
7 Waea pi aanu nimumi wala epea meda napeme. Go peme waeame nimu luabu dia yalimi.
8 Wae kone i aamere wae pora agu ratea. Go yapare aa medaloma epe kone imi-numiri waea napeme.
9 Aa meda nipuna ada gaa-para pawa pirua ona-nogo naki raapu pawa piralia-daare epe ta. Pare nipu agaa wae adaapu ne ona raapu piraliare oyalia.
10 Waea pape madaare reaeme omema-rupa mada pea-pulu waea adaapu pape mada aa meda odome naomeme.
