19 Yaa teme agaa luaburi pa rudupu yapina ia rabu aanumi kone rugulaawa gimeme. Goa pea pare ora ne agaa luaburi oro yalo-yalo pa suaalia.
20 Aanumi waea peme rabu go pemeame nimuna bipa nimu makiraeme. Goa peme pare aa medame epe kone sua onaa rabameano kone sua epea palia-daare nipu page epealia.
21 Redepone aanumi pupitagi page ora nanoa epe oyae mealimi. Goa peme pare waea peme aanumiri nimumi wae pupitagi rado-rado adaapu neme.
22 Yaa-agaa teme aanu luaburi Adaa aa-me nimu ratu waru yawoa gimea. Goa pea pare epe kone sua epea peme aanu madaare raana omoa epe ta kone ia.
