18 Aa medame kone waru nasua tea agaa-me epe aa medana robaa-para maoyalia. Goa palia pare epe redepone kone i aa-me agaa tea-daare mo aana lo robaapara epe kumaa waru katea.
19 Yaa teme agaa luaburi pa rudupu yapina ia rabu aanumi kone rugulaawa gimeme. Goa pea pare ora ne agaa luaburi oro yalo-yalo pa suaalia.
20 Aanumi waea peme rabu go pemeame nimuna bipa nimu makiraeme. Goa peme pare aa medame epe kone sua onaa rabameano kone sua epea palia-daare nipu page epealia.
