2 Nimuna bi minasaeme aanuri yala waru poteme. Nimuna bi rabuaniaeme aanuri epe kone imi.
3 Ora epe aanuri nimu epe pora ora rateme. Pare yaa agaa ne aanuri nimu yaa agaa adaapu teme rabu nimuna go yaa agaame wae yoto mea katea rabu nimu oyalimi.
4 Epe mone oyae adapu salipare go oyaeme ne omali rabu mada naraba mealia. Go yapare neme epe kone sua epe pora ratu aali-dare ne go su-amaa page adaalupu pirua epe su page meali.
5 Epe kone imi aanu nimuna epe koneme epe pora mea wata rabu nimu epe-rupa pirua nimu epe kone sua epeanu peme. Goa pea pare waea peme aanu nimuna peme wae yaenumi nimu malopaaya rabu nimu lopeme.
