7 Ãcõrẽba Moisea jarasia:
8 –Bʌ bacuruda edaped̶a bʌ djaba Aaroʌ̃ ume purura eded̶adua awuá mõgara waib̶ʌa b̶ʌmaa. Ãdjirã quĩrãpita maʌ̃ mõgaraa bed̶eadua baidoda weamãrẽã. Ara mãwã bed̶eabʌrʌd̶e baidora mõgarad̶eba wea dogoya. Mãwã bʌa baidora weabiya israelerãba ãdji animarã bid̶a dod̶amãrẽã.–
9 Ara maʌ̃da Moiseba idji bacurura Ãcõrẽ wua ded̶e b̶ʌda edasia Ãcõrẽba jarad̶a quĩrãca.
10 Idjia Aaroʌ̃ ume purura ãbaa jʌresid̶aa Ãcõrẽba jarad̶a mõgara quĩrãpe. Maʌ̃ne Moiseba israelerãa jarasia: –¡Bãrã cʌwʌrʌ zarea b̶ea, ũrĩnadua! ¿Bãrãba ĩjãnamãrẽã daiba bãrã itea baidoda naʌ̃ mõgarad̶eba weabid̶ida panʌca?–
